Drone skutt ned i Tyrkia - Vil bli avdekket hva slags - NRK

Jeg har sette en filmsnutt på BBC, men ingen stillbilder. Av filmen ser det ut til å være en Orlan 10 som benyttes av den russiske hær.

Tyrkia har skote ned drone ved Syria-grensa

Tyrkiske styrkar har skote ned ein drone som hadde kryssa grensa frå Syria, melder militærkjelder. Det kom først meldingar om at tyrkiske styrkar hadde skote ned eit jagarfly, men dette vart raskt avvist.

Eit tyrkisk Air Force F-4 jagarfly.
Foto: OSMAN ORSAL / Reuters

Journalist Katrine Nybø

Det kom først meldingar frå militærkjeldene om at det var eit fly som var skote ned.
Dronen vart skoten ned av tyrkiske jagarfly i tyrkisk luftrom nær grensa til Syria på fredag.

Kjeldene legg til at dei tyrkiske styrkane hadde varsla tre gonger før dei skaut.
Nasjonaliteten til dronen er ukjent, men russiske krigsfly har tidlegare blitt skulda for å ha krenkt tyrkisk luftrom.

Russisk militærhelikopter i Latakia, Syria.
Foto: REUTERS TV / Reuters

– Alle våre dronar fungerer som planlagt

Ein russisk talsmann for forsvarsdepartementet opplyser om at alle deira fly i Syria er trygt tilbake på sine basar, og at alle russiske dronar fungerer som planlagt.
USA på si side meiner at Russland ikkje snakkar sant.
Ein amerikansk talsperson opplyser til nyheitsbyrået Reuters at dronen som vart skote ned av tyrkarane var russisk.