Flytrafikken til, fra- og gjennom Frankrikes luftrom er forsinket - NRK

Flygeleiarstreik i Frankrike gir forsinkingar i flytrafikken

Fleire fly er kansellerte og trafikken mellom Skandinavia og Sør-Europa er kraftig forsinka etter at franske flygeleiarar har gått ut i streik.

Flygeleiarstreiken i Frankrike har ført til kanselleringar og forsinkingar i flytrafikken i Europa.
Foto: CHRISTIAN HARTMANN / Reuters

Espen Alnes Journalist

I samband med dei nasjonale streikene mot dei nye arbeidslivsreformene til president Emmanuel Macron, har også franske flygeleiarar lagt ned arbeidet.

Det har ført fleire kansellerte flygingar i Europa. SAS har innstilt tre flygingar så langt i dag. Det gjeld to ruter frå Stockholm til Malaga og Paris, og ei rute frå København til Paris. Medan flygingane til både SAS og Norwegian som går frå Gardermoen, i liten grad er påverka av streiken så langt.

Forsinka fly

Men måten flest nordmenn kjem til å merke streiken i dag på, er dei store forsinkingane i rutene som går over fransk luftrom mellom Skandinavia og Sør-Europa. Både SAS og Norwegian seier reisande må rekne med ein del ventetid på desse rutene, men dei oppmodar dei som skal reise til å møte til vanleg tid, med mindre det er gjeve melding om noko anna.
Det er venta at streiken i Frankrike skal bli avslutta onsdag morgon.