Widerøe fyller 90 år: – Eit privilegium
Flyselskapet Widerøe fyller i dag 90 år.
Selskapet blei starta av flygaren Viggo Widerøe i 1934, og i dei første åra dreiv dei med taxi-, ambulanse-, skule- og fotoflyging.
I dag flyr dei regionale og lokale flyruter i kortbanenettet på Vestlandet og i Nord-Noreg, og nokre ruter i utlandet.
– Det blir sjølvsagt markering, mens kanskje mest eksternt retta no i dag. Vi er jo under dei tyngste vinterforholda som finst i vår sesong og eg trur alle som har budd i Nord-Noreg dei siste vekene veit kor krevjande det kan vere, seier administrerande direktør Stein Nilsen.
– Så vi tar ikkje risikoen på store feiringar 19. februar, det skal vi gjere 25. mai, men i dag blir det jo markering sjølvsagt overfor alle dei flotte kundane vi har og så skal vi prøve å få med heile organisasjonen, legg han til.
Han synest dei tilsette i Widerøe ber mykje av utviklinga til selskapet.
– For meg er det eit privilegium å få vere dirigent for dette orkesteret.
Ingen kommentarer:
Legg inn en kommentar
Merk: Bare medlemmer av denne bloggen kan legge inn en kommentar.