Flyingeniør utdanning til NTNU - NRK

 

Millionar til ny flyutdanning

I revidert statsbudsjett vil regjeringa bruke 5 millionar til ny utdanning for flyingeniørar i Noreg.

FLYINGENIØR: Regjeringa påpeiker at det er behov for flyingeniørar i både militær og sivil luftfart.

FOTO: OLE ANDREAS VEKVE / FORSVARET

Sunniva SkurtveitJournalist

Vi rapporterer frå Trondheim

Publisert i dag kl. 09:01 Oppdatert for ett minutt siden

Del på Facebook Del på Twitter Del på epost

Vi oppdaterer saka.

– Vi må sikre oss kompetanse innan kritiske samfunnsområde. Luftfarten er ei av desse.

Det seier forskings- og høgare utdanningsminister Ola Borten Moe (Sp).

– Både sivil og militær sektor er heilt avhengige av flyingeniørkompetanse i åra som kjem, både for å utvikle teknologien vidare og tilgang på nok kompetent arbeidskraft, seier Ola Borten Moe.

FOTO: BJARTE JOHANNESEN / NRK

Slik det er i dag finst ikkje slike utdanningar i Noreg og me hente denne kompetansen frå utlandet.

Frå hausten

Målet er at studiet skal vere oppe å gå frå hausten 2024. Dermed vil dei fyrste flyingeniørane vere ferdigutdanna våren 2027.

Regjeringa peiker på at det er behov for minst 20 flyingeniørar kvart år framover og at det er viktig å utdanne personar med rett kompetanse og som er tryggingsklarert.

– Flyingeniørar er kritisk om vi skal få maks effekt ut av våre nye kampfly, maritime overvakingsfly og helikopter, seier forsvarsminister Bjørn Arild Gram (Sp).

Stort behov

I tillegg har Forsvarsmateriell og NHO Luftfart tidlegare påpeikt behovet for å utdanne ingeniørar med denne kompetansen.

Difor vil regjeringa opprette 25 nye studieplassar ved NTNU i Trondheim, for å sikre denne kompetansen.

– Dette skal me ta på oss og me gler oss til å sette i gang, seier Anne Borg rektor ved NTNU.

Forslaget til regjeringa vil koste 5 millionar kroner i 2023 og 2024. Fullt trappa opp vil det koste 13,1 millionar kroner frå og med 2029.