Helikopterstøy i naturen er noe hærk - NRK

Reiselivet vil ikkje ha helikopterturistane

Fleire reagerer på helikopterplanane i Hardanger. Fjord Norge meiner helikopterstøy vil øydelegga naturopplevinga turistane er ute etter.

VØRINGSFOSSEN: Dette er blant utsiktene turistar i Eidfjord spør etter. I ein søknad ber Statkraft om å opna for helikopterturistar på grunn av «etterspurnad frå turistmarknaden». Fjord Norge er skeptisk.
Foto: Per Gram

Even Norheim Johansen @evennor Journalist

Leif Rune Løland Journalist

Anders Nøkling GrafikkStatkraft har søkt om konsesjon for helikopterturisme i området ved Vøringsfossen i Eidfjord. Hytteeigarar i området fryktar helikopterturistar i skytteltrafikk dersom kraftprodusenten får godkjend planane.

– Om helikopter skal gå skytteltrafikk tjue gongar om dagen, vil det øydelegga idyllen fullstendig, sa hytteeigar Siren Toftesund til NRK onsdag.

• Bakgrunn: Siren kan få helikoptertrafikk over hyttetaket hundre gongar i veka

– Står i kontrast til det turistane ynskjer

Hyttefolk og fastbuande er ikkje dei einaste som reagerer. Reiselivsnæringa er heller ikkje frå seg av begeistring.
– Eit tilbod om helikopterturisme er i kontrast til det me veit turistane er på jakt etter i Noreg: Rein, stille og urørt natur, seier administrerande direktør i Fjord Norge, Kristian Jørgensen.